Napparsimasunut paasissutissiissut 

Imm. 3142-mut takkutissaatit saaffiginnittarfimmullu takkunnerit nalunaarutigalugu. Ulloq taanna angerlartinneqarsinnaanissat naatsorsuutigineqarpoq. Kisimeeqqusaanngilatit taamaammat angerlaruit inersimasumik ilaqarnissat isumagissavat imal. aqugunnissaata tungaanut napparsimasunut akunnittarfimmiissaatit. Misissuinernilli allanik uninngaannarnissamik piumasaqaatitalinnik inniminniisoqarsinnaavoq, taamaammat tamatumunnga piareersimanissat isumassarsiatsialaavoq.

Tartutit sulilluanngippata sukkortuuguillu:

Tartutit sulilluartuunngippata saniatigullu Orabet, Glucophage imal. Metformin sukkornermut iisartagarigukku, KAG/PCI ullunik marlunnik sioqqullugu unitsikkallassavat. Uninnissat sioqqullugu misissortinninni maanna tartutit sulilluanngippata nalunaarfigineqarsimassaatit.
Angerlarsimaffinni aappit akua sukkoq uuttortarukku tamatumunnga atortorissaarutit nassaqquneqarpoq. 

Nakorsaatit unitsikkallagassatit:

Marevan-iisartagarigukku uninnissat ullunik pingasunik sioqqullugu unitsikkallassavat. Marcoumar 
iisartagarigukku uninnissat ullunik tallimanik sioqqullugu unitsikkallassavat. Makku arlaannik nakorsaateqaruit uninnissat ullormik ataatsimik sioqqullugu unitsikkallassavat: Pradaxa, Xarelto, Dabigatran, Rivaroxa-ban, Eliquis, Apixa- ban, Edoxaban imal. Lixiana.

Nakorsaatitugassatit:

Plavix/Clopidogrel (katillugit arfineq pingasut.) uninnissat sioqqullugu misissortinninni tunniunneqarsimappata uninnissat sioqqullugu unnukkut iissavatit.

Unikkiartuleruit makku nassaqquneqarput:

• Nakorsaatitortakkatit peqaruillu aap sukkoqassusaanut uuttuut
• Makiaarut timersorluni qarliit assigisaalluunniit
• Imminut eqqiluisaarnermut atortut/isersimmatit
• Pisariaqarpat siutequtit inimi uninngavimmi radiomut TV-mullu naalaarutit.

Inussiarnersumik maluginiaqquarput:

Uummatimikkut nappaatilinnut immikkoortortaq oqarasuaatinik angallattakkanik atuiffigeqqusaanngimmat uninnganinnili oqarasuaammik akeqanngitsumik atuisinnaanerit. Rigshospitali pujortarfiunngimmat.