Til dig der modtager kræftbehandling med immunterapi
Akiuussutissanik piorsagaanermut saniatigut sunniutit – nammineq qanoq iliuuseqarsinnaavunga?
Akiuussutissanik piorsagaaneq suua, aamma qanoq sunniuteqarpa?
Timip akiuussuteqarfiata kræftip proteinii (inuussutissartaata imai) aqqutigalugit kræftip cellii (sanaqqaatai) qaqutiguunngitsukkut akuttunngitsumik ilisarisarpai, taamaattorli kræftip celliinut timip akiuussuteqarfia naammattumik qisuariaateqartanngilaq. Tamatumunnga patsisaasoq tassaavoq kræftip cellii timip akiuussutaata saassussineranut illersuisinnaasunik ingerlatsissutinik assigiinngitsunik ineriartortitaqarnermut pikkorissuunerat.
Naatsumik oqaatigalugu akiuussutissanik piorsaaneq timip akiuussutaata kræftip celliinik ilisarinnissinnaassusianik aamma saassussisinnaassusianik, imaluunniit kræftip celliisa illersorsinnaassusaannik sanngiillisaasarnermik nukittorsaavoq. Tamanna timip akiuussutigisaatut akuutissanik suliaqartitsilersutigut pisinnaavoq, tamannalu timip akiuussuteqarfigisaata ilaani assigiinngitsuni suliaqarnermik annertunermik nukittorsaasuusarpoq.
Sooq saniatigut sunniutinik pinngortoqarsinnaasarpa?
Akiuussutissanik piorsaanerup sunniutaa tassaavoq timip akiuussuteqarfiata kræftip celliinik saassussinermik aallartitaqartinnera. Aammali timip nammineq cellii sunniivigineqarsinnaapput. Taamaattumillu timip celliinik ajoquteqanngitsunik timip akiuussinnaassusaata saassussiffigisaatut nappaatit – autoimmunitut taaguutilinnut assingusut – saniatigut sunniuteqarfigineri misigineqarsinnaapput.
Saniatigut sunniutinut ilisarnaatinik atugaqalissaguma qanoq iliussaanga?
Saniatigut sunniutit atukkatit pillugit uagutsinnut oqaluttuarisaqarnissat pingaartuuvoq. Saniatigut sunniutit ilaat katsorsarsinnaavagut, imaluunniit nipaallisarsinnaallutigit, ilaalu ilungersunartutut tammartussaanngitsutut ajoqutinngorlutik ineriartorsinnaaneri pinaveersaartissinnaavagut. Taamaattumik ataani ilitsersuut atuaruk. Ilitsersuutip saniatigut sunniutaanernut takussutaasutut malunniutit sorliuneri nassuiarpai, aammalu saniatigut sunniuteqartutut pasillersimassaguit qanoq iliuuseqarnissat ilinnut oqaluttuaraa.
Attavinnut paasissutissat
Puanni, aamma niaqqup/toqqusaap ameraasaani kræfti (Lunge og hovedhalskræft), Nakorsiartarfik 4252
Ulluni suliffiusuni tamani attavissaq, nal. 8.00-15.30-mi.
Oq.: 35 45 42 52
Puanni, aamma niaqqup/toqqusaap ameraasaani kræfti (Lunge og Hovedhalskræft), Uninngavik 5043
Ulluni suliffiusuni tamani attavissaq, nal. 15.30-8.00-imi, kiisalu sap. akunnerisa naanerini aamma sapaassuarni.
Oq.: 35 45 50 43
Saniatigut sunniutinut takussutissat aamma malunniutit – illit nammineq qanoq iliorsinnaavit?
Saniatigut sunniutinut malunniutit aamma takussutissat akuttunngitsutut sallaatsuusarput, sukkasuumilli ajorteriarsinnaasarlutik. Piffissami eqqortumi saniatigut sunngiutit katsorsagaanngippata ajoqutinut atajuartunut, imaluunniit saniatigut sunniutinut ilungersunartunut allanngoriartorsinnaapput.
| Saniatigut sunniutinut takussutissat aamma malunniutit | Malunniutit makkuninnga patsiseqarsinnaapput: | Saniatigut sunniutinut malunniutinik misigisaqassaguma qanoq iliuussaanga? |
| Saniatigut sunniutit akuttunngitsut aamma nalinginnaasut | Kræftimut nakorsat aamma peqqissaasut oqaloqatigikkit. Taakku kræftimut katsorsaanermut atatillugu qasoqqanermut tunngasunut ilitsersorsinnaavaatsit. |
- Nukinni aamma naggussani anniarnerit
| Saniatigut sunniutit akuttunngitsut aamma nalinginnaasut | Ajornanngippat nipaallisaatinik sakkukitsunik iisineq, soorlu paracetamolimik. |
- Annikitsumik meriannguneq
| Saniatigut sunniutit akuttunngitsut aamma nalinginnaasut | Merianngunaveersaatinik nakorsaatitorneq Akulikitsukkuutaanik nerisassanik annikitsunik nerisarneq |
| Saniatigut sunniutit akuttunngitsut aamma nalinginnaasut | Nerisassiat nukissaliilluartut annikitsut nerineri. Kræftimut nakorsat aamma peqqissaasut oqaloqatigisinnaavatit. Taakku katsorsagaanerpit nalaani nerisatigut ilitsersorsinnaavaatsit. |
- Quersorneq, imaluunniit quersornerup ajorteriarnera
- Issannguneq, imaluunniit issanngunerup ajorteriarnera
- Sakissani anniarnerit
- Quersornikkut aak imaluunniit nuak takkuttoq
| Puanni imaluunniit uummammi saniatigut sunniutaasut | Malunniutinik taakkuninnga – aamma taakku sakkukitsuugaluarpata – Kræftimik katsorsaanermut Immikkoortoqarfik attavigiuk. Quersornermi qiserisami aattaqassappat erniinnaartumik immikkoortoqarfik attavigiuk! |
- Timminneq
- Anarnerup iluserisartagaasa allanngorneri
- Kiaqarluni naani anniarneq, imaluunniit anniaateqarneq
- Anarisami aak imaluunniit nuak
- Anaq qernertoq
| Inalukkamit saniatigut sunniutaasut | Pisarnernut naleqqiullugu ullormi ataatsimi sisamariarlutit imaluunniit amerlanerusunik anartassaguit, imaluunniit imerpalasumik timmittassaguit Kræftimik katsorsaanermut Immikkoortoqarfik attavigiuk. Anarisanni aammik imaluunniit nuammik peqassaguit immikkoortoqarfik erniinnaq attavigiuk! |
- Ameq iluaalluni aappaluttoq imaluunniit aniornerit
- Ameq ungilattoq
- Kilernerit
| Amermit saniatigut sunniutaasut | Timivit sukutsitaani aniorneqarnera/kilerneqarnera paasissavat. Taamaalereeruit Kræftimik katsorsaanermut Immikkoortoqarfik attavigiuk, oqaluttuarlutillu aniornerup imaluunniit kilernerup qanoq isikkoqarnera, taakkulu timivit sukutsitaaniinneri oqaluttuaralugit. |
- Naap talerpia’tungaani anniarnerit
- Meriarneq
- Isini imaluunniit amermi sungaartortaqarneq
| Tingummit saniatigut sunniutaasut | Kræftimik katsorsaanermut Immikkoortoqarfik attavigissavat. |
- Niaqorlunneq peerutinngitsoq
- Assorsuaq qasoqqaneq
- Puffajalipallattarneq
- Ilumi eqqissisimannginneq
- Isumaliorulunniarnermi sapersaateqarneq
- Nikallunganeq
- Atoqatigeerusuttarnerup annikillisimalernera
- Uissannguneq
- Isit ungataanni anniarnerit, imaluunniit isit aappillerneri
- Isigiarsuuteqarneq/ allannguutit
| Qinersinit hormoninik pilersuisartunit saniatigut sunniutaasut | Saniatigut sunniutit taakku ilaat aalajangeruminaatsutut, aamma nassuiaruminaatsutut misigineqarsinnaapput. Malunniutinut taakkununnga allannguutinik assingusunik misigisaqassaguit Kræftimik katsorsaanermut Immikkoortoqarfik attavigissavat. |
- Qooq qapuliortoq
- Qooq akimut ersinngitsoq imaluunniit taartoq
| Tartunit saniatigut sunniutaasut | Kræftimik katsorsaanermut Immikkoortoqarfik attavigissavat. |
- 380 sinnerlugu kiaqarneq
- Tilluusanianeq
- Assaat aamma isikkat malugisaaruttut
- Assanni aamma isikkani kakillaalutsitsineq imaluunniit kapoorneq
- Nukiit sanngiillineri / qasoqqaneq
| Pineqartut taakku saniatigut timip pisataanit allanit saniatigut sunniutaasuupput | Kræftimik katsorsaanermut Immikkoortoqarfik attavigissavat. |