Rygkirurgi, patienthåndbog på grønlandsk

Patienthåndbog på grønlandsk. Til patienter, der skal have foretaget rygkirurgi.

Tikilluarit

Reumatoligimut qitillu nappaataannut videncenterimut tikilluarit. Neriuppugut una mappersagaq suliaritinnissannut tunngasunik apeqqutinut akinnissinnaassasoq.

Qitumut tunngasumik seminari:

Sinitsitsisartumik, peqqissaasumik, tagiartuisartumik pillorissaasumillu naapitaqassaatit, taakkualu suliaritinnissannut piareersassavaatsit.

Unitsinneqarneq: 

Immikkoortortaqarfimmut VRR11-mut ornigutissaatit. Uffarfimmi atortutit, kamippaat attuumasut ulortoornanngitsut, isersimmatit, atisat attuumanngitsut, ulluinnarni nakorsaatit mobiltelefonillu nassarneqassapput.

Nerinnginnissaq nakorsaatillu:

Pingaaruteqarpoq ataani allaqqasut malillugit nerisimannginnissaq.

  • Suliaritinnissannut akunnerit 6 sioqqullugit immuttalinnik nerissanngilatit imernallu
  • Suliaritinnissannut akunnerit 2 sioqqullugit imigassanik oqitsunik, soorlu imeq, safti, æblejuice, kaffi, thelu imissanngilatit.

Nal. 06.00 nakorsaatit iisartakkatit iissavatit, uku minillugit:_________________________

Suliaritinneq:

Qitikkut suliaritinneq ingerlanneqartarpoq suliaritittup sinitsinneratigut, tamannalu pisarpoq qitikkut, qungatsikkut naakkulluunniit pilatsinnikkut. Suliaritinneq akunnerup affaaniit akunnerit pingasut tungaanut sivisussuseqarsinnaasarpoq. 

Itersiisarfik

Sinitsitsisartut itersiisarfimmukaatissavaatsit, tassanilu iterluareeriaruit uninngasut inaannut utertinneqassaatit.

Suliaritereernerup kingorna: 

Naatsorsuutigissavat ikippit nalaani ikinnut kuuffeqassasoq, assanni imerpalasulersuuteqassasoq, qinganni silaannarmut slangeqassasoq, immaqalu quuppit kuuffissaanik ikkussiffigitissimanissat. Pingaaruteqartorujussuuvoq nikueqattaarnissat pisuttaqattaarnissallu, aallaqqaataanilu sulisoqartillugu aatsaat taamaasiortassaatit.

Cafeen, Glostrup Hospital

Anniarnerit:

Suliaritereernerup kingorna suliaritiffikuppit nalaani anniassaatit. Taamaattumik suliaritereerninni ullualuit nipaallisaatitussaatit anniarnerpit sakkukillinissaanut. Anniarnerit annertuallaassappat nipaallisaatit ilaqqinneqarsinnaapput. Pingaartorujussuuvoq annialeruit ingerlutit oqaaseqarnissat, anniaatinnummi ikiorserluarnerussagatsigit.

Ikivit aaqqikkiartornera:

Suliaritereernerpit aqaguani peqqissaasumiit ikinnut kuuffik ikkunneqarsimasoq peerneqassaaq. Taassuma kingorna imermik akimorneqarsinnaanngitsumik mattuserneqassaatit, taannalu minnerpaamik suliaritereerninniit ullut marluk atassaaq. Taassumalu kingorna uffarsinnaanngussaatit ikilluunniit mattuteqqanngikkaluartoq, kisiannili ikit panereersimasariaqarpoq. Mattutigisat imermik milluaasimappat taarserneqassaaq.

Tagiartortittarnissaq napparsimavimmi uninnganerup nalaani:

Suliaritereernerpit aqaguani tagiartuisup ornissavaatit siunnersorlutillu qaammatit pingasut siullit qanoq timit atussanerit.

Pillorissartinnissaq napparsimavimmi uninnganerup nalaani:

Piffissap sivikitsup iluani arlaatigut ikiuuserneqartariaqassanersutit pillorissaasoq peqatigialugu tamanna naliliiffigissavarsi.

Nallangaffiusinnaasut:

Innangasinnavutit, sinaanut saaqqasinnaavutit imaluunniit palloqqasinnaavutit illit tassa iluarisat maliinnassavat (mappersagaaqqami uani ilaliunneqartut quppernermi kingullerpaamiittut takukkit). Issianinni qitikkut niukkulluunniit annialissagaluaruit taava qitit qasuersaartissavat pisuttualaarnikkut imaluunniit nallakarnikkut.

Angerlarneq:

Angerlartinneqarsinnaavutit, angerlartinneqarnissamut piumasaqaataasut tamaasa angusimagukkit. Peqqissartut inaannut angerlartinneqassaatit, tassanngaanniillu Kalaallit Nunaannut angerlarnissat pilersaarusiorneqassaaq. Sapaatip akunnerinut pingasunut nakorsaatissannik nassartinneqarumaarputit.

Rygrad

Angerlaqqinneq:

Angerlaqqikkuit ikit nakkutigilluassavat. Maluginiassavat aappillersimanersoq, kissartumik pullassimanersoq, ikillu seerinersoq, taakkuami aseruunnermut takussutissaammata, ingammik anniarlutillu kissarninissimassagaluaruit. Taamaattoqassappallu illoqarfigisanni peqqissaasoq attavigissavat. Ikit kiloqarpoq peertakkanik, taakkualu illoqarfigisanni peqqissaasumut peertikkiartussavatit: Ulloq:________

Anniarnerit: 

Malugisaarunneq, anniarneq, maluginiarnermullu ajornartorsiornerit suliaritiffiunikup nalaani misigineqarsinnaapput. Suliartinninniit qaammat tikillugu ikippit nalaani ungillerisarsinnaavutit. Suliaritereerninniit ullut pingajussaanni sisamassaanniluunniit misigisinnaavutit anniarisarnikuusatit malugeqqittalerlugit, tamannali nalinginnaasuuvoq, tassami sianiutit kiggeqqanikoq aaqqinnialermat, tamannalu nalinginnaavoq qaangiuteqqipallassaarlu.

Erlavippit ingerlaarneri:

Suliaritereernerpit kingorna manngertooqqaasinnaavutit. Taamaattumillu piffissap aaliangersimasup iluani anarsaatitortariaqalersinnaallutit. Anarsaatit illoqarfigisanni napparsimavimminngaanniit pisinnaavatit.

Angerlareersimalernermi tipip aalatinnissaa sungiusarnissaalu:

Sungiusarnerpit anguniartussaavaa suliaritinngikkallaravilli inuuninni sammisartakkatit assigiinngitsut ingerlateqqilernissai, assersuutigalugu pisuttuarneq, illulerineq, sikkilerneq, nalunneq, atoqatigiinneq, biilerneq il.il. taakkualu qitippit piginnaasai malillugit utertinneqariartuaassallutit. Arlaatigut aaliangersimasumik pisinnaasanik killilersuisoqanngilaq, pingaaruteqarpormi qitit atoqqikkiartupallajaassagit, nalinginnaasumillu timit aalariaaseqassasoq.

Nakorsap tagiartuisartoq peqatigalugu nalilersussavaat sungiusarneqarnissannik pisariaqartitsinersutit, taamaattoqassappallu Kalaallit Nunaanni napparsimaveqarfimmiit sungiusarneqarnissannut aggersarneqassaatit.

Glostrup Hospital, indgang

Saaffiginninnissaq:

Angerlareersimaninniit  sulilu peqqissartut inaanni Damarkimiittumiissaguit peqqissaasuminngaanniit saaffigineqassaatit. Kalaallit Nunaannullu angerlareersimaguit illoqarfigisanni peqqissaasuminngaanniit ikiorneqarumaarputit oqaloqateqarnissat pillugu. Oqarasuaatikkut oqaloqatiginninnissamut pilersaarut. Ulloq _______ nalunaaqquttap 13-15 akornanni (Danskit nalunaaqutaat malillugu) MAngerlareerninni nammineerlutit saaffiginninnissannik pisariaqartitsissaguit uunga saaffiginnissaatit:

Telefon

Sygeplejeambulatoriet (Peqqissaasut)

Oqarasuaat: 38 63 30 75 Ataasinngornermiit – Tallimanngornermut Nal. 08.00 – 15.00 (danskit nalunaaqutaat malillugu) Inussiarnersumik Inuulluaqqusilluta

Sulisut Reumatoligimut qitillu nappaataannut videncenteri

Glostrup Hospital, parkeringsplads
Rygliggende, maveliggende og sideliggende
Albueteknik
Diskusprolaps i lænden
Rygsøjle set fra siden og tværsnit af rygsøjle
Glostrup Hospital fra parken
Redaktør