Napparsimasunut paasissutissiissut

Paasissutissiissut ilinnut qanigisannullu naatsorsuussaavoq. Tamatumani suliaritinnissannut piareersarnissat pacemakerilersinnerullu sunik nassataqarneranut paasissutissinnissat siunertaapput.

Quppersakkami pacemakereqarluni inuunerup qanoq innera pillugu apeqqutigineqarajunnerit akissutissarsissavatit.

Uummatip sulinera

Uummat pissusissamisoortoq assattut peqissimasutut angissuseqarpoq. Uummat sisamanik timip ipiutaasartaanik nukinnik immikkoortortaqarpoq, taakkulu eqikkarnermikkut minutsimut aak liiterit pingasut tallimallu akornanniittoq timimut siaruartarpaat. Aak iltimik inuussutissanillu timip pisataanut assartuisarpoq.

Uummatip eqittaqattaarnera nalinginnaasumik tillertitsisunit uninnganermi tillerit minutsimut 50-70-illu akornanniinnissaannik – ilungersorner- milu tillerit minutsimut 200-it pallinnissaannik qulakkeerisunit aqunneqarpoq.

Uummatip pissusissamisut tillernerani uummatip nammineq qitiusumik tillertitsisuani immikkoortumi qullermi talerperlermi tillerneq aallartittarpoq (sinusknuden), tassanngaanniillu immikkoortut qulliit nukiinut siaruaattarluni. Tamatuma kingorna tillerneq uummatip immikkoortuisa nukiinut uummatip immikkoortuisa alliit akornanni qitiusumik tillertitsisoq (AV-knude) aqqutigalugu – tillerfiit ataatsimoortut (HIS bundt) ataatsimoortunut minnernut arlalinnut avalequtitaartoriarlutik nukiit sananeqaataannut ataasiakkaanut ingerlaqqittarput.

Uummatip tillertitsisui

Uummat akuttuallaamik tillerpat

Uummatip akuttuallaamik tillernera arlalippassuarnik patsiseqarsinnaavoq. Uummatip qitiusumik tillertitsisuata (sinusknuden) imal. tillernerit ingerlaartut qiterisaata (AV-knuden) akornuserneqarnerannik patsiseqarsinnaavoq. Napparsimasut ilaanni tamanna utoqqalinermut atatillugu uummatip tillertitsisuisigut qileruninnermik patsiseqartarpoq. Aseruuttoornermik imal. uummammi nappaateqarnermik aamma patsiseqarsinnaavoq
– imal. uummatip tillertitsisuisa eqqaanni suliaritinnermut kingunerluutaasinnaalluni.

Uummat akuttuallaamik tillerpat tamannalu qaangiuttussaanngippat nakorsaatilluunniit kiungunerluutiginngippagu pacemakerilersittoqartariaqarpoq.

Pacemaker qanoq sunniuteqarpa?

Pacemaker tassaavoq atortorissaarut mikisoq batteriilik, elektrodit ataatsip pingasullu akornanniittut aqqutigalugit uummatip immikkoortuinut
allernut inissinneqarnikkuttillertitsisut akornuserneqarpatauummammik tillertitsisartoq. Elektrodit qutup ataatungaani taqaq aqqutigalugu uummammut ingerlatinneqartarput. Pacemakerertaa sakissat saamiata tungaani (qutup ataatungaani) inissinneqarajuppoq.

Pacemakeri uummatip tillerneranik nakkutilliiuartussatut inissitaavoq. Uummatip tillernera pissusissamisoorpat pacemakeri sunavianngilaq. Uummatip tillernera akuttuallaalerpat elektrodit aqqutigalugit uummammik tillertitsissaaq.

Pacemakeri uummatip tillernerata minnerpaaffissaminiiginnarnissaanut inissitaavoq. Tillertitsisut sallaangaaramik malugineqarsinnaanngillat.

Pacemaker atorlugu uummatip imm. allernik ataatsikkut tillertitsisoq = Cardiac Resynchronization Therapy (CRT-PM).

Uummativit aammik timimut ingerlaartitsisinnaassusaata annikillingaatsiarsimanera ilungersortilluni anernikilliungaatsiarnermik nassataqarajuppoq.

Tamatuma peqatigisaanik uummatip tillertitsisui ataatsimoortut ajornartorsiutaappata taamaalillutillu uummatip immikkoortui alliit ataatsikkooratik eqittarnerat ajornartorsiutaappat, ilaatigut anertikkarnermut annikillisitsisumik uummatip immikkoortuinut allernut ataatsikkut tillertitsisumik pacemakerimik ikkussisoqarsinnaavoq (CRT pacemaker).

Uummativit aammik timimut ingerlaartitsilluarsinnaannginneranut nakorsaatitit ingerlatiinnassavatit.
Pacemaker atorlugu uummatip imm. allernik ataatsikkut tillertitsinerup (CRT-PM) uummatip immikkoortuani saamerlermi alliup tunuani taqqamut ikkussamik immikkut elektrodeqarneq allaassutigaa. Uummatip akuttuallaamik tillerneranik nakorsaanerup saniatigut pacemakerertaa, uummatip tillerneri tamaasa uummatip immikkoortui alliit tillertitsisumik qupinnguallatsittarpai. Taamaalillutik ataatsikkoornerullutik eqittarput aammillu annertunerusumik timimut siammartitsisarlutik, tamanna anernikilliornerup annikillineranik amerlanernut sunniuttarpoq.

Taanna Cardiac Resynchronization Therapy (CRT)
taaguuteqarpoq

Pacemakerit assigiinngitsut tamaasa pillugit paasissutissiissut

Pacemakerilersinnissaq ullut marluk pingasulluunniit uninnganermik nassataqarsinnaavoq imal. uninnani ulloq ataaseq misissorteriarlutni ulloq alla suliaritinnerusinnaalluni. Taakku arlaata sorliup ilinnut atuunnissaanut illit qanoq innerit pingaarnertut apeqqutaassaaq.

Suliaritinnissaq sioqqullugu peqqissaasumiit nakorsamiillu allattugaatinut nalunaarsuisoqassaaq illillu pacemakerip elektrodillu takunissaannut periarfissinneqassaatit.

Tamatuma saniatigut:

• aaversissaatit
• uummatisiortissaatit (EKG)
• aappit taqqanut naqitsinera uuttorneqassaaq kissarnersiorneqassaatillu

Ilaatigut uummatip tillernera atortorissaarut angallattagaq mikisoq iluaqutsiullugu nakkutigineqassaaq (telemetri).

Sutunnginnissaq

Suliaritinnissat nal.ak. arfinilinnik sioqqullugu naggammik nerisinnaavutit nalunaaquttallu ak.
marluk sioqqullugu naggammik immuttaqanngitsunik imersinnaallutit (imermik, tiimik, kaffimik imal. saftimik).

Allamik isumaqatigiissuteqartoqanngippat nalinginnaasumik ullaakkut iisartakkatit iissavatit.

Quisaatitoruit sulisut isumaqatigiissuteqarfigeqqaarlugit aatsaat taanna iisinnaavat.

Aammut imerpallassaammik Marevanimik Pradaxamilluunniit nakorsaateqaruit, suliaritinnissat ullualunnik sioqqullugu unitsikkallarnissaanik nalunaarfigineqarumaarputit.

Ullormi suliaritiffimmi

Piareersarnerit:

• Aappit taqqanut naqitsinera uuttorneqassaaq kissarnersiorneqassaatillu
• Ullaaq taanna imal. suliaritinnissat aqaguppat unnukkut uffassaatit - cremissanngilatilli
• Napparsimmaviup atisaataanik atisassinneqassaatit
• Kukitit qalipassimagukkit qalitaataat piiassavat
• Pinnersaatit nalunaaqutaaqqallu sikaavinnut parnaartartumut inississavatit
• Sulluleeqqamik nakorsaattinut atugassamik talinni taqqannut ikkussisoqassaaq (drop)
• Nipaallisaammik Panodil/Pinex/Pamol neqeroorfigineqassaatit.

Suliaritinneq init quleriit aappaanni Hjertesygdomme, operation 2011/2012 ingerlanneqassaaq. Amerlanerit pisullutik pilattaavimmukartarput tassaniissap- pullu nakorsaq ataaseq marlulluunniit peqqissaasullu marluk pingasulluunniit.

Suliaritinneq aallartsitsinnagu nal.ak. affaata missaa assigiinngitsunik piareersarfiussaaq. Aseruuttorneq pitsaaliniarlugu suliaritinneq aallartilivippat antibiotikamik taqqakkut tunineqassaatit. Talikkut aappit taqqanut naqitsineranik uuttuinissamut atugassamik (nerngullugu pullattagaq) inussannullu aappit ilteqassusaanut uuttuummik ikkussissoqassaaq. Sakissavit ilaa pacemakerip ikkuffissaa tapppiorannartuiarneqassaaq annoraaminernillu tappiorannartuiakkanik qallerneqassalluni.

Suliaritinneq nal. ak. ataatsip missaanik sivisussuseqassaaq - CRT-lli ikkunnissaa sivisunerusinnaalluni.

Ikkussinerit tamangajammik qerititsinikkut ingerlanneqartarput. Suliaritinninni eqqumaannarnissat peqqissaasunillu nakorsamillu oqaloqateqarsinnaanissat tamatuma nassatarissavaa. Suliaritinnerup nalaani nipilersuutinik naalaarnissamut periarfissaqarpoq.

Suliaritinneq aallartippat tarajulersorfissakkut nipaallisaatinik neqeroorfigineqassaatit. Tamatuma kingorna qutup saamerliup ataatungaa pacemakerip ikkuffissaa qeritinneqassaaq. Qitititsineq sukasimanertut qasilliallannertulluunniit sivikitsutut malugineqarajuppoq.

Suliaritinninni annialissaguit iluaalliulissaguilluunniit nipaallisaammik eqqissisaammilluunniit taqqakkut tuneqqissinnaaqqullutit tamatuma oqaatiginissaa pingaaruteqarpoq.

Nakorsap qinnguartaalluni assiliissut atorlugu elektrodit taqqakkut uummammut ingerlatissavai. Elektrodit eqqortumik inissinneqarsimanerat ilaatigut elektrodip kalerrisaarutaasa uuttortarnerisigut paasiniarneqartarpoq. Pitsaanerpaamik inissippat elektrodit pacemakerimut tamatuma kingorna ammip ikianut ”kaasarfimmik” taasamut inissinneqartussamut atassuserneqassapput. Tamatuma kingorna ameq mersorneqassaaq.

Suliaritereernermi

Suliaritinnerup kinguninngua siniffinnut utissaatit. Peqqissaasup mattutit alakkassavaa aappillu taqqanut naqitsinera uuttorlugu. Tamatuma kingorna nerisinnaavutit imersinnaallutillu, taamaaliornissamullu inuummarissutut misigisimaleruit siniffinniit aqqarsinnaanngussaatit.

Ulloq taanna kingusinnerusukkut uummatit puatillu qinnguartarlugit assilineqassapput.

Ikivit eqqaa anniarileqqunagu nipaallisaammik pisinnaavutit.

Suliaritereernerup kingorna ualikkut imal. aqaguani ullaap tungaa angerlarnissannut misissuisoqassaaq. Tamatumani pacemakeri teknikerinit immikkut ilinniagalinnit misissorneqarlunilu nalimmassaqqissaarneqassaaq.

Pacemakeri illit pisariaqartitannut naapertuussarlugu inissinneqassaaq. Tamanna pacemakerimut attaveqarsinnaajumalluta taamaalillutalu nakkutigisinnaanngorlugupaasissutissartaanut atortorissaarutit saviullu kajungerisaa immikkut ittoq (inissiiniarnermi atortoq), pacemakerip ”kaasarfiata” qulaanut inissinneqartut atorlugitingerlanneqassaaq.

Angerlalernermi misissortinnermut atatillugu pacemakeri siunissamilu tamatuminnga atortorqarlutit inooriaasissat pillugit paasissutissinneqassaatit.

Angerlalerninni misissortinnissaannut ajornanngippat qanigisannik ilaqarnissaq isumassarsiatsialaavoq. Arliulluni paasissutissanik tusarnaarneq annertuumik iluaqutaasarpoq.

Pacemakeri naammaginartumik ingerlappat kingunerluutitaqanngippallu ualeq taanna unnukkut aqaguaniluunniit angerlarsinnaassaatit. Sivisunerusumik uninnganissat pisariaqassappat ass. nakorsaatitit allanngortinneqassappata najukkanni napparsimmavimmut nuunneqassaatit.

Suliaritinnerpit kingorna nal. ak. 24-it qaangiutsinnagit qorlortitsivigalutit uffassanngilatit.
Mattutit suliaritereernerpit kingorna ullut marluk qaangiuppata peerneqavissinnaavoq. Ikit mamivitsinnagu nalinginnaasumik sap.ak. sisamat uffarfimmut ikillutit uffassanngikkallarputit/naluttarfimmi nalussanngikkallarputit. Kilutit isumaminnik aattussaapput. Kilut isui ullut qulit missaasa qaangiunneranni katassimanngippata mianersorlutit nammineq qiorlugit kipisinnaavatit.

Ikit anniarilissagukku talivilluunniit atornera anniarissagukku, nipaallisaatitorsinnaavutit, ass. Panodil, Pinex imal. Pamol – iisartakkat marluk ullormut marloriarlugit sisamariarlugilluunniit. Suliaritereernerup kingorna ullut siulliit nipaallisaatit atorfissaqartinneqarajupput.

Kingunerluutit

Pacemakerimik ikkussivigineqarneq ullumikkut nalinginnaasuuvoq, isumanaaqalunilu.
Danmarkimi ukiumut pacemakerit 3000-it ikkunneqartarput.

Suliaritinnerni tamani kingunerluuteqarsinnaaneq annikippoq, sulisullu tamakkununnga iliuuseqarfiginninnissamut immikkut ilinniarsimapput.

Sundhedstsyrelsimit inatsit naapertorlugu kingunerluutaasinnaasunik ilisimatinneqassaatit.

Elektrodit ikkunneqarneranni silaannarmik aammilluunniit annikitsumik katersuuttoqarsinnaavoq.
Taamaattoq ullualuit qaangiunneranni isumaminik peerukkajuppoq, taamaanngippat sullulimmik ulluni marlussunni atasussamik imaarsaasi- isoqarsinnaavoq.
Suliaritittut 100-uugaangata marluk missaat taama nalaataqarsinnaasarput.

Sullulik uummat pitarlugu appakaassinnaavoq taamaalillunilu uummatip ameraasaanik aammik immatitsisinnaalluni. Suliaritittut 500-uugaangata ataatsip missaaniittut taama nalaataqarsinnaasarput.
Uummatip amersaasaani aanaarneq kapuummik imaarneqarajunneruvoq; tamanna ajornassappat qaqutigorluinnaq pisartumik pinasuartumik pilatsittoqartariaqarsinnaassaaq
Suliaritittut 1000-iuppata ataatsimit ikinnerusunit nalaanneqarsinnaasartoq).

Qaqutigut elektrodit arlaat uummammi illi- karsinnaavoq. Tamanna elektrodip pissusissamisuunnginneranik kinguneqarsinnaammat suliariteqqinnikkut allamut inissinneqassaaq elektrodiluunniit taarsetariaqalerluni ajoquserneqarsinnaavoq.
Suliaritittut 100-uuppata pingasut missaanniittut taama nalaataqarsinnaapput.

Suliaritereernerup kingorna ikikkut aammik katersuuttoqarsinnaavoq. Tamanna pullalernermik ippinnarsinermillu isumaminik qaangiuttussamik ersiuteqarsinnaavoq. Qaqutigooqisumik aak annikitsumik suliaritinnikkut imaartariaqassaaq.
Suliaritittut 500-uuppata ataatsip missaaniittut taama nalaataqarsinnaapput.

Aseruuttoorsinnaanermut pitsaliuisoqaraluaq qaqutigut aseruuttoortoqarsinnaasarpoq suliaritittut 500-uuppata marluk taama nalaataqarsinnaapput.

Uummatip immikkoortuinut allernut illugiinnut atasumik pacemakeriliinermi ilaanni elektrodi uummatip immikkoortuata alliup saamerliup tunuani taqqamut ikkussassaq ikkukkuminaassinnaasarmat taama suliaritinneq sivisunerula- arsinnaasarpoq. Suliaritinnerit 100-uuppata sisamani elektrodimik tamatuminnga ikkussinissaq taamaatiinnartariaqartarpoq.

Taamatuttaaq uummatip immikkoortuinut allernut illugiinnut pacemakerimik ikkusinermi uummatip immikkoortuata alliup saamerliup tunuani taqaq elektrodilerniagaq ajoquserneqarsinnaavoq. Tamanna qaqutigorsuaq ajornartorsiutaasinnaavoq. Suliaritittut 100-uuppata taama nalaataqarsinnaasartut ataatsip inorpai.

Elektrodiliineq pissutaalluni taqqat atorneqartut milinneqarsinnaapput. Taamaattoqarnera talip immaqalu qungatsip pullalerneranik ippinnar
sineranillu kinguneqarsinnaavoq. Kingunerluut taanna qaqutigoortuuvoq aammullu imerpallassaammik nakorsaateqarallarnikkut iluaquserne- qarsinnaagajulluni.

Pacemakereqarluni inuuneq

Angerlareernerpit kinguninngua ulluinnarni inuunerisimasannut uteqqissinnaavutit. Taamaalillutillu sulileqqissinnaavutit, angalasinnaavutit sunngiffinnilu sammisartakkatit atoqateqartarnerlu nangeqqissinnaallugit. Suliaritinnissat sioqqullugu iluaallersimaguit iluaallingajassimaguilluunniit biilimik ingerlatseqqilernissat sap. akunnera utaqqikkallassavat.
Nunamut allamut angalanissat pilersaarutigi- gukku angalanermi sillimasiissut killeqarsinnaavoq.

Uninngareernerup kingorna misigissutsikkut qisuariaateqarneq qanigisaasunissaaq nalinginnaavoq. Ilaat annilaangasutut imal. toqqissisimann- gitsutut misigisarput – allat qiimassutsip nikerarnera misigisarpaat. Taama misiginermi allanik
– ilaquttanik, ikinngutinik – misigisat pillugit oqaloqateqarneq iluaqutaalluartarpoq. Ilaannut psykologimik oqaloqateqarneq ikorfartuutaasin- naasarpoq. Tamanna nakorsavit innersuussineragut aaqqissuunneqarsinnaavoq.

Pacemakerimut kaasarfik

Pacemakeri mmrit arfineq marluk missaanik issussuseqarpoq 20 gramminillu oqimaassuseqarluni. Amerlanerni qutup ataatungaani inissisimaffia tinunertut annikitsutut isikkoqarsinnaavoq. Taassuma takussaanera nakorsarneqartut ilaannut pingaaruteqarpoq.

Ullut tamaasa ikit pacemakerillu kaasarfiata eqqaa misissortariaqarpat. Ikit aappillissappat, kissatsissappat, pullalissappat (ass. aammik katersuuttoqarpat), seerilissappat ippinnarsissappalluunniit (aseruuttuulernermut immaqa ersiutaasunik), imal. ajunnginnersoq nalornissutigigukku pacemakerilinnut
nakorsiartarfimmut sianissaatit: 35 45 48 25

Timimik atuineq

Ikkussivigineqareernerup kingorna qaammat siulleq pacemakerimik ikkusiviup nalaani talinnik/tuinnik 4 kiilut sinnerlugit kivitsinaveersaarnissat innersuussutaavoq.

Talit atorsinnaavat tasitsaarnissalli ingalassimassavat. Ass.: tennis - golf – naatsiivinni nivaatarsorneq – apummik nivanneq – eqaarsaarfimmi talinnik nivinganeq. Tamanna elektrodip akornuteqanngitsumik ”inissilluarsinnaanissaanut” innersuusutaavoq.

Killilersuutit taakku saniatigut angerlarnerpit kingorna ullualunnguit qaangiunneranni anniarunnaaruit tamatumunngalu inuummarissutut misigisimaleruit nalinginnaasumik sammisartakkatit aallarteqqissinnaavatit.

Timersorsinnaavutit taamaakkaluaq unammilluni timersorneq innersuussutaangilaq (ass. tilluunneq) timersoqatillu attortarlugit timersornerit allat pacemakerip nalaanik annertuumik annersitsisinnaasut innersuussutaanngillattaq.

Pacemakerippit nakkutigalugu misissortarnissaa

Nakorsaatitornerit uummalluutinnillu misissortittarnissaq nalinginnaaasumik najukkanni napparsimmavimmi ingerlanneqassaaq pacemakerilli Rigshospitalimi najukkanniluunniit pacemakerilinnut nakorsiartarfik aqqutigalugu malittarineqassaaq. Tassani pacemakeri misissorneqartassaaq ilaannilu nalimmassaqqissaarneqartassalluni.

Uummatip immikkoortuinik allernik illugiinnik tillertitsisumik pacemakerillit atortorissaarutit (angerlarsimaffimmiit nakkutilliissutinik aamma taaneqartartut) atorlugit avataaniit aamma malittarineqarsinnaapput.

Uummatip immikkoortinik allarnik illugiinnik tillertitsisumik pacemakerillit tamarmik Rigshospitalimit malittarineqarput.

Pacemakerilinnut nakorsiartarfimmi misissortin
neq siulleq suliaritereernerup kingorna qaammatip ataatsip marlulluunniit qaangiunneranni najukkami napparsimmavimmi imal. Rigshospitalimi pissaaq. Tamatuma qaqugu pinissaa angerlalernermut atatillugu misissortinnermi isumaqatigiissutaassaaq.

Misissuinermi siunertaasoq tassaavoq:

• pacemakerip nakkutiginissaa
• elektrodit naliliiviginissaat
• batteriip attartussusaanik naliliineq (ukiut arfineq pingasut
• atasinnaanera naatsorsuutigineqarpoq)
• kaasarfiup/ikip nakkutiginissaa

Ukiut arlertut qaangiunneranni batterii imaarutingajalersutut nalilerneqarpat, pacemakeri taarserneqartussanngussaaq, elektrodilli nalinginnaasumik atoqqinneqartarlutik. Naliliinerup nalaani qaammatit pingasut missaanni suli atasinnaagallassaaq.

Pacemaker korti

Angerlalerninni misissortinninni pacemakerkortimik nunarsuaq tamakkerlugu atorneqartumik pacemakereqarninnik taassumalu qanoq ittuuneranik paasissutissiissumik tunineqassaatit. Korti taanna tamatigut nassatarisariaqarpat, misissortinnissat nakorsartinnissallu sioqqullugit nakorsamut, kigutilerisumut timimillu sungiusaasumut takutittarlugu.

Pissutsit immikkut ittut maluginiartariaqakkatit

Pacemakerip elektronikkiata kalerrisaarutit allatut paasisinnaammagit
ammip qaagut sianiutinik sunniilluni nipaallisaaneq (TNS) kortbølgilu atorlugu - ass. timimik sungiusaanermi nakorsaaneq ingalassimaneqassapput.
Tillinniartoqarnerani kalerrisaarutit – ass. pisianiarfinniit aniffissani
inissitat – sivisujaamik uninnganngikkuit sanioqqunnissaat
isumannaatsuuvoq. Uninngassaguit taakku meteri ataaseq
ungasillinissaat innersuussutaavoq.

Oqarasuaatit angallattakkat - oqarasuaammik angallattakkamik
atuininermi pacemakereqarfippit illuatungaani siutit atortariaqarpat,
taamatuttaaq oqarasuaat pacemakereqarfippit qulaani kaasarfimmiitissanngilat. Tamannali oqarasuaatinik attavilinnik atuinermi atuutinngilaq.

Saviup kajungerisaqarfii sakkortuut - soorlu MR scanner atorlugu
misissortinnerit – pinaveersaarneqassapput. MR scanner atorlugu misissortinnissaq pisariaqarluinnarpat scannertinneq sioqqullugu
tamatumalu kingorna pacemakeri inisseqqinneqartariaqassaaq.

Timmisartoqarfiit – Timmisartoqarfiit sakkunut misissuutaasa pacemaker malugigajummassuk pacemakerkortit takutittariaqarpat. Isumannaallisaanermik suliallit misissuummik avaqqusseqquserusunnerusinnaapput. Pacemakerilli misissuutikkoornerit ajoqutiginavianngilaa.

Quppersakkami matumani akissuteqarfigineqanngitsunik allanik apeqqutissaqaruit attavigaluta apeqquteqarnissannut soorunami tikilluaqqusaavutit.

Pacemakerilinnut nakorsiartarfimmut sianersinnaavutit:

Oqarasuaat: 35 45 48 25